ประเพณีบุญเดือนสามของชาวภูไท

ประเพณีบุญเดือนสามตรงกับขึ้นสามค่ำเดือนสามของทุกปี ชาวภูไทถือว่ามื้อนี้เป้นมื้อดี เป็นมงคล สิยกบ้านใหม่หรือแต่งงานกะจัดในช่วงนี้ ถือได้ว่า เป็นปีใหม่ของชาวภูไทหรือตรุษภูไทกะว่าได้ ในวันขึ้นสามค่ำเดือนสามสิมีการสู่ขวัญให้ผู้เฒ่าผู้แก่ที่มีอายุตั้งแต่ 60 ปีขึ้นไป เป็นการระลึกถึงบุญคุณพ่อแม่แล้วกะอวยพรให้พ่อแม่อายุมั่นขวัญยืนเป็นร่มโพธิ์ร่มไทรของลูกหลาน นอกจากนี้ผุเฒ่าผุแก่เพิ่นกะสิให้พรและผูกแขนให้ลูกให้หลานเพื่อเป็นศิริมงคลคือกัน
พอถึงตอนเช้าของวันขึ้นสามค่ำเดือนตื่นเช้ามาผุเฒ่าผุแก่ เพิ่นกะสิไปเปิดประตูเล้าข้าวไว้ เอาเทียนกับดอกไม้5คู่เพื่อไหว้พระแม่โพสพให้ปีหน้าได้ข้าวได้น้ำหลายกว่าเก่า เสร็จแล้วกะสิเอาน้ำอบน้ำหอมไปรดงัวควายระลึกถึงบุญคุณที่ซ่อยเฮาเฮ็ดไฮ่เฮ็ดนา พอสายๆประมาณเก้าโมงกะเริ่มผูกแขนผุเฒ่าผุแก่ พิธีของแต่ละเฮือนกะสิจัดไล่ๆกันไปตามเครือญาติ พอผูกแขนเสร็จแล้วกะมีการเลี้ยงข้าวปลาอาหารตามที่เจ้าภาพเพิ่นจัดหามาให้